तारेवरची कसरत आणि सुशीला सुजीत साठीच प्रेम असं का म्हणाला स्वप्नील जोशी !

तारेवरची कसरत आणि सुशीला सुजीत साठीच प्रेम असं का म्हणाला स्वप्नील जोशी !

दुहेरी भूमिका साकारणारा सुजीत !

काही दिवसांपूर्वी अभिनेता निर्माता स्वप्नील जोशीच्या बहुचर्चित सुशीला सुजीत चित्रपटाचा ट्रेलर लाँच सोहळा संपन्न झाला आणि या ट्रेलर ने चित्रपट प्रदर्शित होण्यापूर्वी प्रेक्षकांचं लक्ष वेधून घेतलं आणि याला कारण देखील तितकच खास आहे.

स्वप्नील या चित्रपटाचा मुख्य नट असला तरी या चित्रपटात तो दुहेरी भूमिका साकारताना दिसणार आहे. स्वप्नील अभिनेता आणि निर्माता या दोन मुख्य भूमिका साकारणार असून हे बघायला जेवढं सोप्प दिसतंय तितकं नक्कीच नाही ! सुशीला सुजीत मध्ये या दोन महत्त्वपूर्ण भूमिका तो साकारणार असताना सगळ्या गोष्टी नीट निभावल्या जातात ना याकडे त्याच लक्ष देखील तितकच होतं.

स्वप्नील सुशीला सुजीत बद्दल बोलताना सांगतो ” चित्रपटात दुहेरी भूमिका साकारत असताना एकीकडे निर्माता आणि एकीकडे मुख्य अभिनेता म्हणून भूमिका साकारणं ही तारेवरची कसरतच होती असं म्हणायला हरकत नाही ! या चित्रपटात दोन्ही भूमिका आव्हानात्मक आणि ताकदीने साकारणं माझ्या सगळ्या मित्र मंडळी मुळे शक्य झालं. सुशीला सुजीत मध्ये माझ्या आवडत्या लोकासासोबत काम करण्याची संधी या निमित्ताने मिळाली आणि आता आमचा चित्रपट तुमचं मनोरंजन करण्यासाठी सज्ज झाला आहे. प्रसाद, मंजिरी, सोनाली आणि अमृता ही सगळीच खूप जवळची मित्र मंडळी आहेत आणि या सगळ्या सोबत हा चित्रपट घडला याचा आनंद आहे”

सुशीला सुजीत ने ट्रेलर लाँच होताच सोशल मीडिया वर धुमाकूळ घातला तर आहे पण या चित्रपटाच्या निमित्ताने त्याने पहिल्यांदा सोनाली कुलकर्णी सोबत ऑन स्क्रीन काम केलं आहे. चित्रपटाचा ट्रेलर सोहळा आगळ्या वेगळ्या रूपात झाला आणि त्याचं कारण म्हणजे चित्रपटाचा ट्रेलर हा कलाकारांच्या हातून न होता चक्क चित्रपटाच्या स्पॉट बॉय कडून करण्यात आला. कलाकारांच्या आयुष्यात किंवा फिल्मच्या सेटवर जो माणूस अगदी अहोरात्र काम करतो तो म्हणजे स्पॉट बॉय ! हे स्पॉट दादा खरंच कमालीच काम करत असतात आणि म्हणून चित्रपटाच्या ट्रेलर लाँच निमित्ताने त्यांचं कामाचं कौतुक करण्यात आलं.

सुशीला सुजीत मध्ये स्वप्नील सुजीत ची भूमिका साकारणार असून प्रेक्षकांचं मनोरंजन करण्यासाठी स्वप्नील सज्ज आहे. बेडरूम मध्ये अडकलेले सुशीला सुजीत आता कसे बाहेर पडणार हे बघण उत्कंठावर्धक ठरणार आहे.

यंदाच वर्ष हे स्वप्नील साठी वैविध्यपूर्ण चित्रपटासाठी खास तर आहे पण तो बहुभाषिक चित्रपटात देखील झळकणार आहे. बॅक टू बॅक चित्रपट कमालीचे विषय आणि वेगवेगळ्या भूमिका साकारणारा स्वप्नील जोशी ! सुशीला सुजीत ही स्वप्नीलच्या आयुष्यातली खास फिल्म तर आहे पण त्याने त्याचा आवडत्या मित्र मंडळीच्या सोबतीने यात काम केल्याचा आनंद देखील तितकाच आहे.

 

By Sunder M