“छावा” जगभरात पोहचावा असं का म्हणतोय सुव्रत जोशी !
“छावा” जगभरात पोहचावा असं का म्हणतोय सुव्रत जोशी !
‘छावा’ सिनेमा सध्या चांगलाच चर्चेत आहे आणि नुकताच मोठ्या दिमाखात या सिनेमाचा ट्रेलर लाँच सोहळा संपन्न झाला. ट्रेलर ने प्रेक्षकांचं मन तर जिंकून घेतलं आहे पण या चित्रपटात बॉलिवूड मधल्या बड्या कलाकारांच्या सोबतीने मराठमोळा अभिनेता सुव्रत जोशी देखील दिसणार आहे.
या बद्दल बोलताना सुव्रत सांगतो ” एकतर छत्रपती संभाजी महाराज यांच कार्य जगभरात माहिती व्हायला हवं आणि दुर्दैवाने त्यांचा इतिहास हा लोकांना फारसा माहीत नाही आणि त्यांचा कार्याची महती प्रेक्षकांना समजावी म्हणून दिग्दर्शक लक्ष्मण उतेकर सरांनी यावर चित्रपट करायचा ठरवला आणि मी या चित्रपटाचा एक भाग आहे ही गोष्ट माझ्यासाठी खूप जास्त आनंद देणारी आहे. महाराजांच्या काळातल्या ऐतहासिक चित्रपटात मला काम करण्याची इच्छा होती आणि ती या चित्रपटाच्या निमित्ताने पूर्ण होत आहे. लक्ष्मण सरांसारखा दिग्दर्शक आणि त्यांची काम करण्याची पद्धत कमालीची आहे हिंदीत मराठीत त्यांनी आजवर जे काम केलं ते उत्कृष्ठ आहे आणि त्यांचा सोबतीने काम करून अनेक गोष्टी शिकता आल्या. विकी कौशल हा कमालीचा अभिनेता आणि आणि सेटवर प्रचंड मेहनत करून त्याने ही भूमिका साकारली या चित्रपटात त्यांचा सोबतीने काम तर केलं पण अभिनेता म्हणून अनेक गोष्टी त्याचाकडून शिकलो. चित्रपट करताना प्रत्येक सीन करण्यासाठी आम्ही सगळेच रिहर्सल करायचो आणि प्रत्येक कलाकार त्याचा सह कलाकार च्या सीन साठी ( क्यू ) द्यायला उभा राहायचा. मेकअप, कॉस्ट्यूम, आर्ट सगळ्या टीम ने अहो रात्र मेहनत करून चित्रपट तयार केला आहे. रायगडचा सेट एकदा मांडला होता तेव्हा सेटवर फक्त ऐतिहासिक वेशभूषेतील कलाकार सेटवर होते तेव्हा असं वाटलं की आपण खरोखर हा सगळा काळ जगतोय अनुभवतोय. उन्हानाची, कपडेपटाची पर्वा न करता चित्रपटातील प्रत्येक कलाकाराने खूप उत्तम काम केलं आणि फक्त भारतात नाही तर जगभरात हा चित्रपट पोहचवा ही माझी इच्छा आहे”
आता सुव्रत ” छावा ” सिनेमात नक्की काय भूमिका साकारणार हे बघण उत्कंठावर्धक ठरणार आहे. सोबतीला सुव्रत त्याचं बहुचर्चित नाटकं ” वरवरचे वधू वर ” करण्यात सध्या व्यस्त आहे. 2025 मध्ये सुव्रतअनेक प्रोजेक्ट्स मध्ये देखील दिसणार आहे.
By Sunder M
