दुःख, एकटेपणा, आणि आनंदमयी आशेची किरण गुंफणारी, एक हृदयस्पर्श कहाणी “सकाळ तर होऊ द्या”
एक रोमांचक आणि रहस्यमय,उत्कठता वाढवणाऱ्या चित्रपटाची निर्मिती, नम्रता सिन्हा यांनी श्रेय पिक्चर कंपनी द्वारे “सकाळ तर होऊ द्या” या मराठी चित्रपटाची केली आहे. समिट स्टुडिओज आणि मधु शर्मा हे या चित्रपटाचे प्रस्तुतकर्ते आहेत. आजवर हिंदी सिनेसृष्टीत कार्यरत असलेले दिग्दर्शक आलोक जैन यांनी या चित्रपटाद्वारे प्रथमच मराठी सिने क्षेत्रात प्रथमच प्रदार्पण केलेले आहे.
या चित्रपटात सुबोध भावे (अभय)आणि मानसी नाईक(नियती) यांचे दुःख, एकटेपणा आणि त्यानंतर समोर दिसणारे आशेची किरण यावर आधारित मानवाच्या हृदयाला स्पर्श करणारी कहाणी आपल्याला “सकाळ तर होऊ द्या” या नव्या कोऱ्या चित्रपटात पाहायला मिळते.
नंतर दोघे अभयाच्या व्हिलामध्ये जातात, जिथे ते त्यांच्या वेदनादायक भूतकाळातील कथा उघडतात. त्यांच्या कथा दुःखाने, संघर्ष आणि पश्चात्तापाने भरलेल्या असतात – परंतु समजूतदारपणाची एक ठिणगी त्यांच्यात पडते आणि नवीन आशा पल्लवीत होऊन त्यांना हळूहळू बरे वाटते.
या चित्रपटात मानवी भावना, एकटेपणा आणि करुणेची शक्ती सुंदरपणे चित्रित केलेली आहे.यात सुबोध भावेची एक दमदार, शक्तिशाली आणि संवेदनशील भूमिका दिसते, तर मानसी नाईक हीची परिपक्वता आणि तोडीची भूमिका दिसून येते. विशेष खोल भावनांनी भरलेल्या भूमिकेत या चित्रपटात ती चमकत आहे.
एकंदरीत, हा एक सुंदर, भावनिक आणि अर्थपूर्ण चित्रपट आहे जो आपल्या हृदयाला स्पर्श करतो आणि तो संपल्यानंतर ही आपल्याबरोबर राहतो .
या चित्रपटातील सुबोध भावे आणि मानसी नाईक या दोन कलावंतांच्या जोडीची केमिस्ट्री प्रेक्षकांना चांगलीच खुणवते.यात इतर पात्रे नसताना ही त्यांची कुठे जाणीव वाटत नाही चित्रपट पाहिल्यावर जाणवते कि जीवनात सर्व काही असून ही आनंदावाचून वंचित राहिल्यामुळे जीवन निरर्थक वाटत राहते. इथूनच विचार आणि भाव-भावनांचा एक अनोखा प्रवास सुरू होतो. नायकाने त्याच्या मनात साठवून ठेवलेले जाणण्याचा प्रयत्न नायिका करते. नायक तिला एक काम करायला सांगतो जे ऐकून तिला धक्का बसतो. आणि ती ही त्याला एक काम करायला सांगत असते दोघेही एकमेकांना असे का सांगतात याचे कोडे ‘सकाळ तर होऊ द्या’ हा चित्रपट पाहिल्यावर मिळणार आहेत.
. ‘नाच मोरा…’, आणि ‘जगू दे मला…’ या श्रवणीय गाण्यांचा समावेश करण्यात आलेला आहे. आजवर कधीही न दिसलेल्या लुकमधील सुबोधची व्यतिरेखा दिसत आहे. मानसीने साकारलेली नियती कुतूहल वाढविणारी छान आहे.
‘सकाळ तर होऊ द्या’ चित्रपटाचे संवादलेखन ओंकार बर्वे आणि अंकुश मारोडे यांनी केले असून छायांकन सुनील पटेल यांनी केले आहे. गीतकार अभिषेक खणकर यांनी लिहिलेल्या गीतांना गायक-संगीतकार रोहित राऊत यांनी संगीत दिले आहे. हिमेश रेशमिया मेलोडीज या लेबलखाली या चित्रपटातील गाणी संगीतप्रेमींच्या भेटीला आली आहेत. सिनेपोलीस या चित्रपटाचे वितरक आहेत.चित्रपटाचा एक आगळा वेगळा अनुभव घेण्यासाठी हा चित्रपट नक्की पाहावा.
By Sunder M
